بسم الله الرحمن الرحيم
والصلاة والسلام على خير خلق الله اجمعين سيدنا محمد صل الله عليه وسلم
حل مشكلة عياط الاطفال
معكم الدكتور هانى الدروى استشارى طب الاطفال ساترك رقم هاتفى للاستشارة اذا لم تجد الحل فى هذه المقالة
كثيرا ما تشكو الامهات :
طيب... خلونا نفند الأسباب وحلولها بشكل أكثر تفصيلاً وإسهابًا..
بعيط ليه؟!
1) جعان... (شفتيني وأنا بأجيب الديب من ديله؟!
2) عطشان... هترضعيه برده، كمية الميه في لبنك بتزيد في أوقات الحر.. حاجة كده custom made
3) سقعان... وده نادرًا ما بيحصل، عشان إحنا عندنا قناعة ال over-wrapping ... أنا في شغلي باخد وقت في فك طبقات الهدوم من جسم البيبي أكتر من وقت الكشف نفسه.. بس فيه ملاحظة: في الجو المتقلب ممكن إمبارح يبقي حر فتلبسي البيبي نص كم، ويجي النهارده يبقي سقعة فتتخيلي إنك لو لبستيه نص كم يبقي كده لخبطتيله في اللبس وهيعيي.. لأ حضرتك تلبسيه حسب الجو المحيط .. مش لازم يقضي مدة معينة في النص كم قبل ما يحول للكم..
4) حرّان... جاري فك الطبقات المتراكمة اللي لسه قايلكم عليها القاعدة مبدئيا بتقول ان الطفل يلبس اتقل منك بطبقة واحدة... بس في الصيف والحر متعمليش فيه كده أرجوكي
5) زهقان... أيوه حد يقوم يتشقلب يللا ولا شوفولنا حاجة عدلة نتفرج عليها.. أنا هافضل قاعد في السرير كده وباصص للسقف وانتو قاعدين ساكتين؟؟ شوية أكشن لو سمحتم.. حد يلاغيني! ((خصوصًا لو بنت))
6) مصدّع... كفاية دوشة بقي... انتوا على طول لوك لوك لوك كده... بطلوا رغي شوية بقي وعايز أسمع الصمت ((خصوصًا لو ولد))
7) عايز يغير البامبرز.. نسيناها إزاي دي؟
8) فيه فتلة من الشراب لافة على صوباع رجلي الصغنن... فيه شعراية من شعر ماما لافة على صوباع ايدي الشمال... فيه تيكت من الهدوم الداخلية بيشوكني في قفايا... فيه نملة قرصتني ورا وداني...
(غيري ملابسه تماما وتفحصي كل سنتي من جسمه.. ده إجراء روتيني لازم يتعمل يوميًا حتى لو مش بيعيط.. ولازم يتعمل لو دخلنا في نوبة عياط ومش عارفين سببها، للأسف الموضوع ده متكرر وساعات كتير بيعمل إصابات فعلية في أصابع الأطفال بالذات وممكن شعرة تلف عليه وتعمل غرغرينة عشان إحنا مصممين منقلعوش الشراب عشان الجو سقعة وكأن بكتريا الالتهاب الرئوي قاعدة مستنية تدخل من صوباع رجله الصغير
9) التهابات في منطقة البامبرز.. حدّث ولا حرج، ببساطة شديدة: شطفيه بميه عادية من غير صابون وشيلي الحفاض تماما ولبسيه حاجة قطن وحطي تحته مشمع... لأن الحفاض مش بس مؤذي باحتكاك الجلد في مادة صناعية، ولكن كمان لإنه بيخنق الجلد وبيعزل عنه الهوا والأوكسجين اللي محتاجة عشان يتنفس... ولنفس السبب ممنوع استخدام زيوت في حالات الالتهاب دي
معظم الالتهابات بتتحسن أو بتختفي تماما بالطريقة دي، وقليل لما بيكون فيه تدخل تاني محتاج عرض طبي
10) عنده مغص... Infantile colic ... ده أوبشن كده نازل built-in في الأطفال أول 3 شهور وممكن يكمل... عادة مش بتكون مشكلة عضوية، خصوصًا المغص اللي بييجي بعد العصر كده وبالليل ولحد الفجر... بس فيه علامات معينة لازم عندها نروح لطبيب أطفال: سخونية، إسهال شديد، ترجيع مستمر وعنيف، وضع الطفل على منحنى النمو غير مطمئن، تورمات فى اماكن غير طبيعية
ببساطة جربي تحطي طفلك في وضع رأسي وتكرعيه، أو تنيميه على فخذك وتدلكي ضهره، أو تنيميه على ضهره وتدلكي بطنه وتحركي رجليه كإنه بيعمل تمرين العجلة، وممكن تشليه وضهره ملاصق لبطنك ودراعك ضاغط على بطنه ضغطه خفيفة
11) النور ساطع بزيادة في الأوضة... صدق أو لاتصدق: الأربع لمبات نيون اللي ضاربين في عينه دول مش بيقللوا الصفرا... آه والله... لو رقم الصفرا زايد جدًا الطفل بيتحجز في الحضانة ويتعرض لنور مختلف بطول موجي معين، ومش هو خالص الطول الموجي بتاع اللمبة النيون ولا الموفرة للطاقة ولا حتى الصفرا التنجستين دي... وبنت خالتك اللي حطت ابنها تحت اللمبات دي وصفرته قلت بعد يومين، فهي كده كده كانت هتقل بعد يومين وملهاش علاقة باللمبة... اشتري مني يا بنت الحلال واطفي النور ونامي
12) الدنيا ضلمة بزيادة.. متطفيش أوي كده... بالنهار اقفلى الشباك نص قفلة ونزلي ستارة، وبالليل نوري لمبة سهّاري أو نور خارج الأوضة اللي بتناموا فيها... عايزين إضاءة شاعرية حالمة عشان نعرف نستكنيص وننام... معلش معلش، لما يكبر ابقي صفي حسابك معاه
13) عايز اتمرجح... دلكيلي رجلي.. طرقعيلي ضهري... اهرشيلي في الحتة اللي فوق دي... اهدي معلش، قلنا هنصفى حسابنا لما يكبر وده زي ابنك برده
14) انتى وشك عامل كده ليه يا ماما؟ اضحكي لو سمحتي
صدق أو لا تصدق برده: البيبي بيحس بيكي من وهو في بطنك، تتخيلي مش هيحس بيكي بعد ما شافك وسمعك ولمسك؟!
15) ريحة غريبة... بخور، برفان، معطر، عرق، كشط/ترجيع، حاجات تانية...
16) عايز أعيط... إيه معترضة على ايه؟! مش انتي كمان عايزة تعيطي بذمتك؟! خديه في حضنك وكلميه وطيبي خاطره
17) أنا مش عاجبني الجو هنا وعايز أرجع جوه تاني... إحنا متفقناش على كده
بيئة الرحم اللى اتعود عليها وبعدين لقى نفسه في معطيات تانية خالص...
18) أنا زهقان وعايز أتفسح.. فسحوني ((تمشية بالعربية في جو لطيف، يحس بنسمة هوا جديدة على وشه وصوت عصافير ويا سلام لو فيه ريحة بحر... طمع آه أنا عارف، لسه هو هيكتشف ده بعدين، بلاش نحجم طموحات الأطفال من دلوقتى، هي هتتحجم لوحدها ))
19) إيه اللخبطة والحاجات الكتير دي، أنا عايز أرجع البيت... روحوني ((المولات.. والشوبينج... والهايبرماركت... أنا عارف إن الأمر لا يسلم وهنضطر نتواجد هناك... بس انتى لو وقفتي في وسط المول وغمضتي عنيكي دقيقة، دماغك هتضرب... زحمة وأصوات كتير وصدى صوت وسقف عالي... حاولي البيبي ميعديش على تجربة زي دي ولو مضطرة يبقي نشتري الأساسيات بسرعة ونمشي...لسه هيجي وقت للشوبينج كتير بعدين إن شاء الله))
20) هو بابا فين؟!
فيه لمسة سحرية للأب والعم والخال في تهدئة الأطفال في الشهور الأولى.. متعرفيش بقي عشان هدهدتهم أقوى شوية وأثبت من دراعات الأم الهلكانة ومش عارفة تنام... ولا عشان ايدهم اقوى فبيعملوا مساج أعمق.. ولا عشان صوتهم low pitch فمش بيعمل توتر مقارنة بصوت تيتة وخالتو وعمتو (مع احترامي لأدوار الجميع والله لا غنى عنكم طبعًا)... ولا عشان هما مش متواجدين بالكثافة المطلوبة -خصوصاً الأب- فببساطة البيبي بتعيط عشان بابا وحشها!
المهم إنها مصلحة ليكى.. نادي بابا وقوليله خد كلم حد عايزك
21) هو النهار خلص؟ طب أنا هاروح أعيط شوية وآجي.. Evening fussiness
اللهم لا اعتراض... بس هي حقيقة، قريفة المساء والسهرة...
استعيني بالSkin-to-skin and swaddling اللي هنشرحهم بالتفصيل في بوست تاني
22) زحمة الضيوف... الناس اللي بتيجي تبارك وتهني... لا تخجلي من إنك تنسحبي عشان تهدي طفلك، الناس هتتفهم متقلقيش
23) عايز أنام... ( طب ما تنام؟! )
24) فيه وضعية معينة بتوجعني... (اتأكدي إن راسه مفيهاش إصابة من الولادة cephalhematoma .. وأطرافه الأربعة بتتحرك تمام.. ولما بيريح على مفصل الفخذ مش بيتألم.. رقبته مش ملووحة ومفيهاش عضلة متقلصة congenital torticollis ... أو أي وضعية بتلاحظي إنها مؤلمة ليه عن غيرها... كل دول محتاجين فحص طبي)
25) التهاب أذن وسطى... خصوصًا لو ظهر سخونية (مش لازم تبقي عالية جدًا ومولع نار)... طبعًا دي حاجة مش واردة أوي في أول 6 شهور لو الطفل بيرضع رضاعة طبيعية مطلقة من غير أي مكملات ولا أعشاب، لإن الطفل ده مناعته بتبقي عالية جدًا .. بس طبعًا يبقى احتمال وارد كل ما الطفل كبر وخصوصًا لو كنا اديناله أي حاجة غير لبن الأم
26) أخد ببرونة ، واستسهلها... أخد تيتينة ولخبطتله طريقة رضعاته الطبيعية فمش عارف ينزل لبن من ثديك.. كل ده اسمه nipple confusion ...
27) بيشرق.. اللبن بينزل كتير ومش عارف يبلع ويتحكم فيه... بتحصل عادة بعد أول أسبوعين من الولادة وممكن تفضل شوية كمان بعد كده.. حلها ببساطة انك تعصري ثديك قبل الرضعة لحد ما الاندفاع ده يخلص وضغط الثدي يقل قبل ما البيبي يرضع.. وتحتفظي باللبن اللي عصرتيه مش ترميه عشان ممكن تحتاجيه تاني
28) طفرة نمو.. growth spurt ... مرحلة كده عادة بتيجي مع الأسبوع السادس والشهر التالت وغيرهم، بييجي للطفل جوع مطول ومستمر. كل اللي بيبلعه بيهضمه وعايز تاني... ممكن يقعد يوم كامل مبيعملش غير انه يرضع .. بنسميها cluster feeding.. ودي حاجة كويسة مش وحشة ومؤقتة لا تقلقي..
29) كنتي بتقطعي فلفل حراق وبعدين حطيتي إيدك على وشه
30) حد زعق فيه.. حاولنا إقحام الثدي في فمه بالعافية عشان يسكت.. حد ضربه... ((آه بتحصل، و فى أطفال من عمر يوم))
فيه حاجة اسمها nursing strike ... لما الطفل يتعرض لصدمة نفسية عنيفة سواء من أمه أو أي حد تاني.. ممكن يدخل في إضراب عن الرضاعة... وعياط هيستيري لو بس قربتيه من ثديك، ولو اتشقلبنا قدامه لا هيسكت ولا هيرضع...
طيب ده حله إيه؟! حله إن ده ميحصلش... أنا عارف إن الفترة طبعًا صعبة ومرهقة.. العصبية وقلة النوم بتبوظ الدماغ... بس اللي قدامك ده بنى آدم، مش مخدة فش الغل... اطلبي مساعدة ودعم من كل اللي حواليكي، لو حسيتي إنك بتشكلي خطر على طفلك؛ اطلبي مساعدة من طبيب نفسي متخصص...
في حالة إن البيبي اتعرض لده، هنحتاج مساعدة من استشاري رضاعة طبيعية في تصليح الوضع والحفاظ على لبنك لحد ما نصالحه ونقنعه إن محدش هيعمله كده تاني
تتبقي حاجة أخيرة مش هنحطلها رقم... لاٌنها قليلة الحدوث فعلاً... وهي إن لبنك يكون فعلاً قليل...low milk supply
في 99% من الحالات بيبقي perceived low milk supply... يعني الأم متخيلة كده بس ده مش حقيقي، واللي يفصل في ده استشاري رضاعة طبيعية بعد فحص ومناظرة ومتابعة للأم والطفل... وليها الف حل وحل قبل ما نفكر مجرد تفكير ندخل رضعة صناعي... وهنا برده يطول الحكي،،،،
مجمع و معدل للإستفادة
والصلاة والسلام على خير خلق الله اجمعين سيدنا محمد صل الله عليه وسلم
حل مشكلة عياط الاطفال
معكم الدكتور هانى الدروى استشارى طب الاطفال ساترك رقم هاتفى للاستشارة اذا لم تجد الحل فى هذه المقالة
كثيرا ما تشكو الامهات :
إبني بيعيط ليه.. ؟؟
مش كل العياط جوع...
و مش معنى إن إبني بيعيط يبقي بيطلب يرضع
و مش معنى إن إبني بيعيط يبقي بيطلب يرضع
طيب ممكن يكون بيعيط ليه؟!
عزيزتي الأم... شوفي حضرتك أي شعور سلبي مريتي بيه في حياتك وخلاكي مقريفة، زهقانة، متضايقة، غضبانة.. ممكن يكون إبنك بيمر بحالة مماثلة بس معندوش وسيلة تعبير تانية غير العياط... زي جامايكا بتاع الخالة نوسة، هما لغتهم كلمة واحدة فتلاقيها بتتكرر كتير
بس إحنا لما بنسقع بنتغطى... لما بنزعل بناكل، لما بنفرح بناكل برده عادي ولما بنقفش على حد بنتخانق معاه، أو نسيبه هو يعرف لوحده يعني حسب إنتي أنهي نوع من البنات.. وطبعًا طبعًا مفيش حد منكم ماجتلوش نوبة عياط اللي هي أنا عايزة أعيط بس مش عارفة عايزة أعيط ليه
تعاملي مع طفلك بنفس المنطلق بقى اشمعنا هو يعني
عزيزتي الأم... شوفي حضرتك أي شعور سلبي مريتي بيه في حياتك وخلاكي مقريفة، زهقانة، متضايقة، غضبانة.. ممكن يكون إبنك بيمر بحالة مماثلة بس معندوش وسيلة تعبير تانية غير العياط... زي جامايكا بتاع الخالة نوسة، هما لغتهم كلمة واحدة فتلاقيها بتتكرر كتير
بس إحنا لما بنسقع بنتغطى... لما بنزعل بناكل، لما بنفرح بناكل برده عادي ولما بنقفش على حد بنتخانق معاه، أو نسيبه هو يعرف لوحده يعني حسب إنتي أنهي نوع من البنات.. وطبعًا طبعًا مفيش حد منكم ماجتلوش نوبة عياط اللي هي أنا عايزة أعيط بس مش عارفة عايزة أعيط ليه
تعاملي مع طفلك بنفس المنطلق بقى اشمعنا هو يعني
طيب... خلونا نفند الأسباب وحلولها بشكل أكثر تفصيلاً وإسهابًا..
بعيط ليه؟!
1) جعان... (شفتيني وأنا بأجيب الديب من ديله؟!
2) عطشان... هترضعيه برده، كمية الميه في لبنك بتزيد في أوقات الحر.. حاجة كده custom made
3) سقعان... وده نادرًا ما بيحصل، عشان إحنا عندنا قناعة ال over-wrapping ... أنا في شغلي باخد وقت في فك طبقات الهدوم من جسم البيبي أكتر من وقت الكشف نفسه.. بس فيه ملاحظة: في الجو المتقلب ممكن إمبارح يبقي حر فتلبسي البيبي نص كم، ويجي النهارده يبقي سقعة فتتخيلي إنك لو لبستيه نص كم يبقي كده لخبطتيله في اللبس وهيعيي.. لأ حضرتك تلبسيه حسب الجو المحيط .. مش لازم يقضي مدة معينة في النص كم قبل ما يحول للكم..
4) حرّان... جاري فك الطبقات المتراكمة اللي لسه قايلكم عليها القاعدة مبدئيا بتقول ان الطفل يلبس اتقل منك بطبقة واحدة... بس في الصيف والحر متعمليش فيه كده أرجوكي
5) زهقان... أيوه حد يقوم يتشقلب يللا ولا شوفولنا حاجة عدلة نتفرج عليها.. أنا هافضل قاعد في السرير كده وباصص للسقف وانتو قاعدين ساكتين؟؟ شوية أكشن لو سمحتم.. حد يلاغيني! ((خصوصًا لو بنت))
6) مصدّع... كفاية دوشة بقي... انتوا على طول لوك لوك لوك كده... بطلوا رغي شوية بقي وعايز أسمع الصمت ((خصوصًا لو ولد))
7) عايز يغير البامبرز.. نسيناها إزاي دي؟
8) فيه فتلة من الشراب لافة على صوباع رجلي الصغنن... فيه شعراية من شعر ماما لافة على صوباع ايدي الشمال... فيه تيكت من الهدوم الداخلية بيشوكني في قفايا... فيه نملة قرصتني ورا وداني...
(غيري ملابسه تماما وتفحصي كل سنتي من جسمه.. ده إجراء روتيني لازم يتعمل يوميًا حتى لو مش بيعيط.. ولازم يتعمل لو دخلنا في نوبة عياط ومش عارفين سببها، للأسف الموضوع ده متكرر وساعات كتير بيعمل إصابات فعلية في أصابع الأطفال بالذات وممكن شعرة تلف عليه وتعمل غرغرينة عشان إحنا مصممين منقلعوش الشراب عشان الجو سقعة وكأن بكتريا الالتهاب الرئوي قاعدة مستنية تدخل من صوباع رجله الصغير
9) التهابات في منطقة البامبرز.. حدّث ولا حرج، ببساطة شديدة: شطفيه بميه عادية من غير صابون وشيلي الحفاض تماما ولبسيه حاجة قطن وحطي تحته مشمع... لأن الحفاض مش بس مؤذي باحتكاك الجلد في مادة صناعية، ولكن كمان لإنه بيخنق الجلد وبيعزل عنه الهوا والأوكسجين اللي محتاجة عشان يتنفس... ولنفس السبب ممنوع استخدام زيوت في حالات الالتهاب دي
معظم الالتهابات بتتحسن أو بتختفي تماما بالطريقة دي، وقليل لما بيكون فيه تدخل تاني محتاج عرض طبي
10) عنده مغص... Infantile colic ... ده أوبشن كده نازل built-in في الأطفال أول 3 شهور وممكن يكمل... عادة مش بتكون مشكلة عضوية، خصوصًا المغص اللي بييجي بعد العصر كده وبالليل ولحد الفجر... بس فيه علامات معينة لازم عندها نروح لطبيب أطفال: سخونية، إسهال شديد، ترجيع مستمر وعنيف، وضع الطفل على منحنى النمو غير مطمئن، تورمات فى اماكن غير طبيعية
ببساطة جربي تحطي طفلك في وضع رأسي وتكرعيه، أو تنيميه على فخذك وتدلكي ضهره، أو تنيميه على ضهره وتدلكي بطنه وتحركي رجليه كإنه بيعمل تمرين العجلة، وممكن تشليه وضهره ملاصق لبطنك ودراعك ضاغط على بطنه ضغطه خفيفة
11) النور ساطع بزيادة في الأوضة... صدق أو لاتصدق: الأربع لمبات نيون اللي ضاربين في عينه دول مش بيقللوا الصفرا... آه والله... لو رقم الصفرا زايد جدًا الطفل بيتحجز في الحضانة ويتعرض لنور مختلف بطول موجي معين، ومش هو خالص الطول الموجي بتاع اللمبة النيون ولا الموفرة للطاقة ولا حتى الصفرا التنجستين دي... وبنت خالتك اللي حطت ابنها تحت اللمبات دي وصفرته قلت بعد يومين، فهي كده كده كانت هتقل بعد يومين وملهاش علاقة باللمبة... اشتري مني يا بنت الحلال واطفي النور ونامي
12) الدنيا ضلمة بزيادة.. متطفيش أوي كده... بالنهار اقفلى الشباك نص قفلة ونزلي ستارة، وبالليل نوري لمبة سهّاري أو نور خارج الأوضة اللي بتناموا فيها... عايزين إضاءة شاعرية حالمة عشان نعرف نستكنيص وننام... معلش معلش، لما يكبر ابقي صفي حسابك معاه
13) عايز اتمرجح... دلكيلي رجلي.. طرقعيلي ضهري... اهرشيلي في الحتة اللي فوق دي... اهدي معلش، قلنا هنصفى حسابنا لما يكبر وده زي ابنك برده
14) انتى وشك عامل كده ليه يا ماما؟ اضحكي لو سمحتي
صدق أو لا تصدق برده: البيبي بيحس بيكي من وهو في بطنك، تتخيلي مش هيحس بيكي بعد ما شافك وسمعك ولمسك؟!
15) ريحة غريبة... بخور، برفان، معطر، عرق، كشط/ترجيع، حاجات تانية...
16) عايز أعيط... إيه معترضة على ايه؟! مش انتي كمان عايزة تعيطي بذمتك؟! خديه في حضنك وكلميه وطيبي خاطره
17) أنا مش عاجبني الجو هنا وعايز أرجع جوه تاني... إحنا متفقناش على كده
بيئة الرحم اللى اتعود عليها وبعدين لقى نفسه في معطيات تانية خالص...
18) أنا زهقان وعايز أتفسح.. فسحوني ((تمشية بالعربية في جو لطيف، يحس بنسمة هوا جديدة على وشه وصوت عصافير ويا سلام لو فيه ريحة بحر... طمع آه أنا عارف، لسه هو هيكتشف ده بعدين، بلاش نحجم طموحات الأطفال من دلوقتى، هي هتتحجم لوحدها ))
19) إيه اللخبطة والحاجات الكتير دي، أنا عايز أرجع البيت... روحوني ((المولات.. والشوبينج... والهايبرماركت... أنا عارف إن الأمر لا يسلم وهنضطر نتواجد هناك... بس انتى لو وقفتي في وسط المول وغمضتي عنيكي دقيقة، دماغك هتضرب... زحمة وأصوات كتير وصدى صوت وسقف عالي... حاولي البيبي ميعديش على تجربة زي دي ولو مضطرة يبقي نشتري الأساسيات بسرعة ونمشي...لسه هيجي وقت للشوبينج كتير بعدين إن شاء الله))
20) هو بابا فين؟!
فيه لمسة سحرية للأب والعم والخال في تهدئة الأطفال في الشهور الأولى.. متعرفيش بقي عشان هدهدتهم أقوى شوية وأثبت من دراعات الأم الهلكانة ومش عارفة تنام... ولا عشان ايدهم اقوى فبيعملوا مساج أعمق.. ولا عشان صوتهم low pitch فمش بيعمل توتر مقارنة بصوت تيتة وخالتو وعمتو (مع احترامي لأدوار الجميع والله لا غنى عنكم طبعًا)... ولا عشان هما مش متواجدين بالكثافة المطلوبة -خصوصاً الأب- فببساطة البيبي بتعيط عشان بابا وحشها!
المهم إنها مصلحة ليكى.. نادي بابا وقوليله خد كلم حد عايزك
21) هو النهار خلص؟ طب أنا هاروح أعيط شوية وآجي.. Evening fussiness
اللهم لا اعتراض... بس هي حقيقة، قريفة المساء والسهرة...
استعيني بالSkin-to-skin and swaddling اللي هنشرحهم بالتفصيل في بوست تاني
22) زحمة الضيوف... الناس اللي بتيجي تبارك وتهني... لا تخجلي من إنك تنسحبي عشان تهدي طفلك، الناس هتتفهم متقلقيش
23) عايز أنام... ( طب ما تنام؟! )
24) فيه وضعية معينة بتوجعني... (اتأكدي إن راسه مفيهاش إصابة من الولادة cephalhematoma .. وأطرافه الأربعة بتتحرك تمام.. ولما بيريح على مفصل الفخذ مش بيتألم.. رقبته مش ملووحة ومفيهاش عضلة متقلصة congenital torticollis ... أو أي وضعية بتلاحظي إنها مؤلمة ليه عن غيرها... كل دول محتاجين فحص طبي)
25) التهاب أذن وسطى... خصوصًا لو ظهر سخونية (مش لازم تبقي عالية جدًا ومولع نار)... طبعًا دي حاجة مش واردة أوي في أول 6 شهور لو الطفل بيرضع رضاعة طبيعية مطلقة من غير أي مكملات ولا أعشاب، لإن الطفل ده مناعته بتبقي عالية جدًا .. بس طبعًا يبقى احتمال وارد كل ما الطفل كبر وخصوصًا لو كنا اديناله أي حاجة غير لبن الأم
26) أخد ببرونة ، واستسهلها... أخد تيتينة ولخبطتله طريقة رضعاته الطبيعية فمش عارف ينزل لبن من ثديك.. كل ده اسمه nipple confusion ...
27) بيشرق.. اللبن بينزل كتير ومش عارف يبلع ويتحكم فيه... بتحصل عادة بعد أول أسبوعين من الولادة وممكن تفضل شوية كمان بعد كده.. حلها ببساطة انك تعصري ثديك قبل الرضعة لحد ما الاندفاع ده يخلص وضغط الثدي يقل قبل ما البيبي يرضع.. وتحتفظي باللبن اللي عصرتيه مش ترميه عشان ممكن تحتاجيه تاني
28) طفرة نمو.. growth spurt ... مرحلة كده عادة بتيجي مع الأسبوع السادس والشهر التالت وغيرهم، بييجي للطفل جوع مطول ومستمر. كل اللي بيبلعه بيهضمه وعايز تاني... ممكن يقعد يوم كامل مبيعملش غير انه يرضع .. بنسميها cluster feeding.. ودي حاجة كويسة مش وحشة ومؤقتة لا تقلقي..
29) كنتي بتقطعي فلفل حراق وبعدين حطيتي إيدك على وشه
30) حد زعق فيه.. حاولنا إقحام الثدي في فمه بالعافية عشان يسكت.. حد ضربه... ((آه بتحصل، و فى أطفال من عمر يوم))
فيه حاجة اسمها nursing strike ... لما الطفل يتعرض لصدمة نفسية عنيفة سواء من أمه أو أي حد تاني.. ممكن يدخل في إضراب عن الرضاعة... وعياط هيستيري لو بس قربتيه من ثديك، ولو اتشقلبنا قدامه لا هيسكت ولا هيرضع...
طيب ده حله إيه؟! حله إن ده ميحصلش... أنا عارف إن الفترة طبعًا صعبة ومرهقة.. العصبية وقلة النوم بتبوظ الدماغ... بس اللي قدامك ده بنى آدم، مش مخدة فش الغل... اطلبي مساعدة ودعم من كل اللي حواليكي، لو حسيتي إنك بتشكلي خطر على طفلك؛ اطلبي مساعدة من طبيب نفسي متخصص...
في حالة إن البيبي اتعرض لده، هنحتاج مساعدة من استشاري رضاعة طبيعية في تصليح الوضع والحفاظ على لبنك لحد ما نصالحه ونقنعه إن محدش هيعمله كده تاني
تتبقي حاجة أخيرة مش هنحطلها رقم... لاٌنها قليلة الحدوث فعلاً... وهي إن لبنك يكون فعلاً قليل...low milk supply
في 99% من الحالات بيبقي perceived low milk supply... يعني الأم متخيلة كده بس ده مش حقيقي، واللي يفصل في ده استشاري رضاعة طبيعية بعد فحص ومناظرة ومتابعة للأم والطفل... وليها الف حل وحل قبل ما نفكر مجرد تفكير ندخل رضعة صناعي... وهنا برده يطول الحكي،،،،
مجمع و معدل للإستفادة
تعليقات
إرسال تعليق