أخطاء تربوية في غاية الأهمية
١- لو مكالتش هأكله لأخوك....هتربي عنده القلق والتوتر والبخل والإثرة.
٢- خد ده بس ماتعرفش أخواتك....هتعلموه الأنانية والذاتية..
ولو أخواته عرفوا وغالباً الأبن المشوه نفسياً ده هيعرفهم عشان يغيظهم هينموا فقلبهم الكره والحسد لأخيهم
لازم نعدل بين أولادنا ومانفرقش بينهم ومانميزش الولاد علي البنات أو العكس.
٣- ذاكر عشان احبك....ماتعلقوش أى طلب بالحب الحب لازم يكون غير مشروط
لازم يؤمن ان الحب ده موجود دايماً مهما عمل غلط بيرجع للصواب عشان بيحبكم..
فماتحسسوهوش انه هيفقد الحب ده عشان غلط.
٤- لو ما بطلتش عياط هكرهك...إياكم واقحام الحب والكره في علاقتكم لأي سبب
استخدام سلام الحب والكره بيفقد الطفل ثقته في انه جدير بالحب الخالص وبيحسسه بالنقص وبيخليه انطوائي..
البديل 
أنا بحب الجد والإجتهاد
أنا بكره الكسل وعدم القيام بالواجبات
أنا بكره العياط
الوالدين يكرهوا الفعل ((مش الفاعل))...
٥- هغضب عليك لو ماعملتش كذا..استخدام سلاح البر لتسخير الأبناء بيرهقهم نفسياً ويوترهم
استخدام سلاح البر ضد ابن واحد واستغلال طيبته لخدمة باقي الأولاد ظلم عظيم..
٦- لو ما نمتش / مأكلتش / مسكتش أبو رجل مسلوخة هياكلك هرميك برا البيت للكلب يعضك .... إلخ...أسلوب التخويف بيفقد الأبن الشعور بالأمان ويفقد ثقته فيك كمصدر للحماية وإذا كان أقرب الناس هيعمل كده الغرب هيعملوا في إيه..
٧- ياللي مفيش منك يا أجمل وأحلي من خلق أنت أذكي واحد أنت أشطر وأمهر واحد..لا تفرطوا في الثناء علي كل حاجة بسيطة يعملها
هيتغر وهيفتكر نفسه نابغة زمانه...
ومتبالغوش في محاولات توفير سبل السعادة والراحة ووازنوا بين الرفق والدلع.....
؛لأنه هيتصدم في العالم الخارجي اللي مافيهوش تقدير لجهوده الجبارة وكله تعاسة وشقاء ومفيش فيه رحمة
ماتبالغوش في تلبية كل طلباته المادية بأسرع وقت لازم شهواتهم تتهذب بالصبر لازم يشاركوا بمصروفهم لازم يحسوا بضغوطكم المادية وياريت تعرفوهم وضعكم المالي وتشاركوهم في جلسة لإعداد ميزانية البيت..
كمان ماتبالغوش في إهمال ذاتكم وتوفير كل شئ للأولاد لازم يتعلموا منكم إن لكم حق علي نفسكم فيعتعلموا ازاي مايفرطوش في حق نفسهم..
تعليقات
إرسال تعليق