امتحان الاحياء التجريبى يونيو 2021 للثانوية العامة
مشاكل اليوم الأول في الامتحان التجريبي:
١- كثرة الأسئلة وعدم كفاية الوقت وخاصة الاستاتيكا.
٢- تعنت المدرسين فى اللجان وتشددهم مما وتر الأولاد والبعض كان بيزعق للطلبة بأنهم يخلصوا بدرى.
٣- بعض المحافظات مثل البحيرة لم يستلم الطلبة ورق أسئلة والأكتفاء بقراءة الأسئلة على التابلت.
٤- إصرار المراقبين على كتابة الإجابات على التابلت وعدم الاكتفاء بالبابل شيت فقط وماكانش فيه وقت كافى للنقل.
٥- دوائر البابل شيت صغيرة جدا وسهل ان الطالب يخطأ فيها.
٦- الأولاد لايصة وحايسة بين التابلت والبابل شيت وبوكليت الأسئلة.
٧- مدرسة القبة الثانوية العسكرية امتحنوا ورقى فقط لأن الباسوورد بتاع الوزارة اتغير والمدرسة لم تكن تعلم والأمتحانات كانت بدأت.
٨- تسريب امتحانات الأحياء والميكانيكا قبل الأمتحانات بساعة.
٩- فى هذا الحر اللجان بدون مراوح لأنها تعليمات الوزير هكذا قال المراقبين.
١٠- بعض اللجان لم يسلموا ورق ابيض لحل المسائل واخذوا الورق الأبيض الذى مع الطلبة بحجة انه غير مصرح به.
١١- معظم اللجان محدش عارف حاجة وبالأخص المراقبين ومسئولي اللجان واخدين على النظام القديم، وبعض المراقبين بيقولوا قلم رصاص فقط والبعض الأخر قال قلم جاف فقط.
امتحان الاحياء التجريبي
الصراحه امتحان حلو لكن في شوية اسئلة مش مفهومة شوية ودي قليلة و الصراحه بيفكرني بالاسئلة الي كنت بحطهالكم هو بيكتبلك سؤال طويل عشان يتوهك فيه، وفي اسئلة مشابهه مش بقول بالنص لا اقصد مشابهه شوية كفكره...
فتقريبا كدا الاسئلة الي هتكون صعبه عليكم هي الاسئلة الي بيرغي فيها ويوهمك بصعوبتها يعني بيحكيلك حكاية تسرح فيها وتكون الاجابة في كلمة في النص....
فمثلا يقولك امرة ورجل تزوجا ولم ينجبا وعندما قاما بعملية تحليل للحيوانات المنوية وجدوا انها تموت قبل الخروج من الذكر بسبب انعدام التغذية...
شوف السؤال قد ايه وانت لو خدت بالك من اخر كلمتين الاجابة في جيبك ياكبير
مثال تاني يجبلك دورة حياة بلهارسيا فانت تتفاجأ وتقول دي بتاعت ايه وازاي وسؤال كبير وانت بس لو فهمت واستوعبت كلمة انها (طفيل) خلاص السؤال في جيبك وده تعاقب اجيال ياكبير الهدف منه زيادة النوع و التنوع الوراثي زيه زي الملاريا ماهما الاتنين طفيليات
فالملخص الامتحان متوسط بس محتاج تركيز وفي كام سؤال يميزوا الي يقفل عن الي مايقفلش..
الناس هتبدأ تقلق وتقول يعني انا كدا ماكنتش بذاكر وغيره والكلام ده...
ماتقلقش ابدا يابطل
الموضوع وما فيه انك محتاج تحفظ وتفهم منهجك كويس بس مش اكتر....
يعني اعتمد اني افهم ومحفظش لانه open book اقولك تبقي غبي لانك هتضيع وقت ومجهود وهتروح في داهية...
احفظ منهجك وافهمه و هتلاقي كل حاجه تمام واحنا معاك...
تعليقات
إرسال تعليق