اختبار لأسئلة بنك المعرفة المصرى علوم للصف الرابع الابتدائي ( منهج شهرى أكتوبر ونوفمبر)

وحِسك عينك. حد يقول ان ابو الانوار بيخرج من القمر. لان القمر اساسا مش مصدر للضوء

دا القمر يا باشا دا جسم مُعتم اساسا ولما. الشمس هانم بتُسقط ضوءها عليه فبيقوم القمر يعكس ضوئها مش اكتر .يعني اساسا النور اللي جاي من القمر دا مصدره الشمس

بس احكيلكم علي حاجة كانت بتحصل علي مراحل حياة اخوكم ابو الانوار

_وانا صغير كنت بمشي زي الألف كدا

بمشي (في خط مستقيم)

_ولما كبرت شوية و بقيت شاب كدا اخلاقي باظت و بقيت اعاكس البنات فقالو عليا اني "بنعكس "

_ودلوقتي بقي بعد ما بقيت راجل كبير ف الدولة فيه اماكن كتير بعدي منها براحتي ومحدش بيقولي (وريني بطاقتك) .. فأنا يابني حياتي مرت ب ٣ مراحل وأي حد يسألك عن (الخواص بتاعة الضوء باشا) قوله ال٣ بطولات بتوعي ...

قوله (ان انا بمشي في خط مستقيم _وبنعكس _و بنفذمن خلال بعض المواد )

بقولك ايه بما انك طالب في رابعة ابتدائي وبتصعب عليا فأنا هقولك فضلة خيري عليك

_انا ياباشا لولا وجودي في أي مكان انت كان عمرك ما هتشوف حاجة حواليك كنت هتعيش زي الاعمي كدا فخدها نصيحة مني يابني (يلزم وجود مصدر للضوء لرؤية الاشياء )

وكلما زادت شدة الاضاءة يابني كل ماهتزيد وضوح الرؤية )يعني اكيد لو انت قاعد ف اوضة فيها نور شمعة مش هتشوف الحاجات اللي في الاوضة بوضوح انما لو قاعد في اوضة فيها ٥ مصابيح كهربية اكيد رؤيتك للاشياء اللي في الاوضة هتبقي اوضح وفاتورة الكهربا هتبقي اغلي لإن مصدر الضوء بقي اشد

بقولك ايه بما انك السنة الجاية هتطلع سنة خامسة هندسة بصريات...خد المعلومة الجاية دي من اخوك ابو الانوار باشا.. انا هقولك عينك بتشوف الاجسام اللي حواليك كلها دي ازاي

شايف التفاحة اللي ف ايدي دي ؟ ولا عينك فيها

_ بص ي سيدي اللي خلاك تعرف ان اللي ف ايدي دي تفاحة ..

_ان الضوء بيسقط علي التفاحة

_والضوء ينعكس من علي التفاحة علي عينك علي طول

_وعينك ما بتصدق الضوء المنعكس يوصلها تقوم متصلة بالمخ تقولو الحقني يا ابو المخيخ فيه ضوء منعكس جاي بيعاكسني

_وابو المخيخ اول ما تجيلو الاشارة دي من العين يعمل فيها ٧ رجالة ويقوم يترجم الاشارة دي بسرعة ويقول للعين انها تفاحة ..

وهكذا يا سيدي أي جسم هتشوفو لازم يسقط عليه الضوء الاول وبعدين الضوء ينعكس من علي الجسم يروح للعين والعين تبعت اشارة للمخ ..والمخ يترجملك ايه اللي انت شايفو دا

فهمت؟ ولا عينك لسة ف التفاحة اللي ف ايدي ؟

اتكل علي الله يلا من هنا لحد ما اجيلك في الحدوتة. رقم ١٦ واحكيلك باقي اسراري يا ابو الصحاب

#أ/مني عزام

ودي كانت الحكاية رقم (١٥)"الضوء وحاسة البصر .المفهوم التالت للصف الرابع الابتدائي

____________________________________

الجزء (١)اختر مما بين الاقواس

١_أي مما يلي لا يعتبر مصدر للضوء

(أ_الشمس_ب_الشمعة_ج_ المصباح_د_القمر )

الاجابة(د)

٢_........ لا يعتبر مصدر للضوء ولكن يعكس ضوء الشمس

(أ_القمر _ب_ابو الخفافيش_ ج_ميس مني )

الاجابة "أ"

٣_من مصادر الضوء .....

(أ_الشمعة_ب_المصباح الكهربي _ج_الشمس_د_كل ما سبق )

الاجابة (كل ما سبق )

٤_ خواص الضوء هي ..

(أ_يسير في خط مستقيم_ب_ينعكس_ج_ينفذ من خلال بعض المواد _د_كل ماسبق)

الاجابة د

٥_أي من الجمل الاتية تعتبر صحيحة

(أ_يسقط الضوء علي الاجسام ثم ينعكس الي العين .

ب_عندما يصل الضوء المنعكس الي العين تقوم العين بإرسال اشارة للمخ من خلال الاعصاب

ج_ يترجم المخ هذه الاشارات ويحولها الي معلومات (ليخبرك ماهو هذا الجسم)

د_جميع ما سبق )

الاجابة(د)

٦_يمكنك ان تري الاشياء بوضوح عندما

(أ_لا يوجد مصدر للضوء _ب_تقل شدة الاضاءة_ج _تزداد شدة الاضاءة)

للامتحان اذهب من هنا