حواديت العلوم منى عزام و كتاب العلوم 2022

اللهم صل على سيدنا محمد عبدك ورسولك النبي الامي

وعلى اله وصحبه وسلم تسليما بقدر عظمة ذاتك في كل

وقت وحين إلي يوم الدين

للهم صل على سيدنا محمدعدد خلقکورضا نفسکوزنة عرشکومدآد كلماتکوعدد الذكرينوالذاكرآتوذرآت وآلرمالف لأرض والبحار⁦والجبالولانهاروعدد مالا يحص عددعلى اله⁦⁩وصحبهاجمعيناللهم امينيارب العالميناستغفر الله العظيم الذي لا اله الا هو الحي القيوم واتوب اليه اللهم صل وسلم وبارك على سيدنا ونبينا محمد وعلى اله وصحبه اجمعين⁦⁩اللهم صل وسلم وبارك على سيدنا محمد صلاة يفرح بها القلب الحزين ويفك بها العقل الرهين. ويرحمنا بها أرحم الراحمين في كل وقت وحين وعلى آله وصحبه أجمعين وعباد الله الصالحين

قصة التصادم 1

أنا چون ..

زمان وانا صغير كنت بحب جدا أحل الالغاز وكنت بهتم بأدق التفاصيل وعلشان كدا كان حلم حياتي اشتغل في الشرطة وخاصة

(شرطة التحقيق في التصادم)

يعني حاجة كدا في الشرطة خاصة بحوادث التصادم ...

وفضلت اجتهد طول حياتي علشان احقق الحلم دا ..

وكان كل موقف في حياتي بحب احلله .. لدرجة اني في يوم كنت نازل رايح المدرسة بس كنت متأخر جدا وماشي بسرعة وطبعا فكانت طاقة حركتي كبيرة وخبطت في لافتة ع الطريق..

فقامت اللافتة اتحركت جامد وطلعت صوت فظيع..وقعدت احلل الموقف كالعادة .

. فقولت اكيد طالما انا كنت ماشي بطاقة حركة كبيرة يبقي كدا جزء من طاقة الحركة دي اتنقلت للافتة علشان كدا هي كمان اتحركت وجزء اخر من طاقتي اتحول لطاقة صوتية وهو دا الصوت اللي طلع لحظة الاصطدام... _

وفي يوم تاني كنت ماشي في الشارع اللي جنبنا ولاقيت دراجة سريعة جاية وقامت خبطت في عربة خبز ساكنة عالطريق. ..وقامت العربية اتقلبت و الخبز كله وقع اتبعثر.. وفضلت احلل الموقف كالعادة.

..وقولت اولا:الدراجة كانت ماشية بسرعة يبقي كدا طاقة حركتها كانت كبيرة _ وعندما اصطدمت بعربة الخبز انتقلت طاقة حركة الدراجة للعربة والخبز فوقعت العربة وتبعثر الخبز .. "وبكدا أي جسمين بيحصل بينهم تصادم فبيحصل علي طول انتقال للطاقة .. وكل ما زادت طاقة او قوة التصادم زادت المخاطر الناتجة ..

. وبعد مرور ١٥ عام اخيراااا تحقق الحلم وتخرجت من كلية الشرطة وتم تعييني شرطي محقق تصادم .

. وهنا مدير القسم اللي كنت شغال فيه قالي نصيحة مهمة جداا .

."يا بني انت دلوقتي رجل شرطي وكل رجال الشرطة بيتعاملو مع حوادث التصادم علي انها لغز ..

. ونصيحتي ليك علشان تحل اللغز دا استخدم قوانين" نيوتن للحركة " وشكرت مدير القسم عالنصيحة دي وقالي اطلع لمأمور القسم علشان هيقولك المهام بتاعتك كرجل شرطي تصادم.. وطلعت لمأمور القسم وقام قالي _حضرة الظابط چون..عندك مهمتين بس كمحقق تصادم وهما ..عند وقوع اي حادث تصادم تروح تعمل حاجتين 1️⃣تاخد القياسات من مكان الحادث 2️⃣وتجمع معلومات عن الحادث وبصيت لمأمور القسم كدا..

.وقولتله .. يعني مهامي كمحقق تصادم يا سيدي المأمور هما أخذ القياسات وجمع المعلومات فقط .

. رد وقالي .. نعم مظبوط حضرة الظابط چون هما مهمتين اخذ قياسات وجمع معلومات وبعد ما استلمت ملابس الشرطة .

.وروحت البيت علشان اجهز لبداية الشغل لليوم التالي. ونمت بدري من كتر الارهاق .

.واذا بالمفاجأة الساعة ٢ بليل الاقي تليفوني بيرن واول مارديت لاقيت الطرف التاني بيقولي حضرة الظابط چون عليك ان تحضر فورا لقسم الشرطة لقد وقع حادث تصادم أليم بين سيارتين وعليك ان تحقق في الحادث وتعرف من السبب في وقوعه.

.نحن ف انتظارك.. والخط قفل .

.. وقومت لبست فورا وجريت علي مكان الحادثة وافتكرت ان اول. مهمة ليا هي اخذ القياسات من مكان الحادث .

..وبدأت فعلا اخد القياسات مبااااشرةً كالتالي ...

.. _بدأت اشوف مدي الضرر الواقع عالسيارات المتصادمة _

وحددت مكان وقوف السيارات دي بعد الحادث =وهنا مأمور القسم كلمني ..وقالي ياحضرة الظابط اذا لم تستطع اخذ.

القياسات مباشرة .يمكنك اخذها بطريقة غير مباشرة .. وسألته. ..ازاي يا حضرة المأمور؟؟

_رد وقالي انك تصور الحادث صور وفيديوهات. وتبعد العربيات بعيد عن الطريق فسألته؛::

. والصور والفيديوهات دي هتفيدنا ف. اييه يا باشا؟؟

قالي الصور والفيديوهات هنعرف منها تفاصيل الحادث وكمان علشان مش عايزين نعمل عرقلة ف الطريق انت صور الحادث وخلاص شيل العربيات المتصادمة وخلي الطريق يمشي...

=حاضر ي باشاااا هجمع الصور والفيديوهات من مكان الحادث علشان اعرف تفاصيل الحادث ومسببش عرقلة للطريق ورجعت فورا لمأمور القسم بعد ما اخدت القياسات (الصور ومقاطع الفيديو) ..ولكن لاقيت مأمور القسم زعق ف وشي جامد وقالي ..

وفين المهمة التانية بتاعتك ياحضرة الظابط..ألم اقل لك ان عليك مهمتين .

.الاولي هي أخذ القياسات والثانية جمع المعلومات ..اين هي جمع المعلومات...؟؟!

وخرجت بسرعة من القسم انا وبعض العساكر علشان اعمل المهمة التانية .

.واخدنا معانا الميزان علشان نروح نقيس كتلة العربيات اللي عملت الحادثة علشان اقدر احدد القوة اللي اثرت عالعربية لحظة التصادم وبعدين اخدت العساكر وطلعنا عالشركة المصنعة للسيارات دي علشان اجمع منها باقي المعلومات ...

واول ما وصلت الشركة.طلبت منهم ملف. اسمه (المواد المرجعية) للسيارة.. وهنا احد العساكر سألني سؤال .. هي ايه المواد المرجعية دي يا حضرة الظابط ؟

_=رديت وقولتلو الناس في الشركة هنا بعد ما بيصنعو العربية بيعرضوها لقوي تصادم مختلفة ويشوفو كل قوي هتأثر فيها بنسبة اد ايه ودا طبعا علشان يقدرو يعرفو مدي تحمل العربية للصدمات و طبعا ( كل ما اتغيرت القوة المؤثرة عالعربية اتغير الضرر الناتج)

وهنا سألني عسكري تاني ..ولما احنا نجيب المواد المرجعية دي من الشركة يا حضرة الظابط هتفيدنا ب ايه ؟ رديت..وقولتلو انا كمحقق تصادم كدا هعمل مقارنة بسيطة واعرف من خلالها مقدار القوة المؤثرة خلال التصادم.. وبعد ما. اخدت المواد المرجعية من الشركة.

.وراجعين عالقسم فيه عسكري تالت سالني سؤال وقالي هو ممكن ياحضرة الظابط تقولي ايه هي انواع التصادم ؟ _قولتلو التصادم يا عسكري نوعين .

.. النوع الاول تصادم جانبي : ودا بيحصل لما عربية تصطدم في عربية من الجنب . والنوع الثاني هو تصادم امامي .ودا بيحصل لما بتكون عربيتين ماشين في اتجاهين متضادين وبيصطدمو في بعض من الامام ... وعايز اقولك علي ملحوظة يا عسكري .. فيه تصادم ممكن يكون خلفي..

عربيتين مثلا ماشيين في نفس. الاتجاه( ورا بعض يعني)..ويحصل بينهم اصطدام .

...وغالبا يعني التصادم الخلفي دا بيكون ضرره اقل من التصادم الامامي .. ورجعنا فورا عالقسم .وقارنت بين المواد. المرجعية.اللي جبتها من الشركة المصنعة للسيارة وبين المعلومات اللي جمعتها من الحادث وعرفت سبب التصادم وتم ترقيتي كملازم اول...️

كتاب العلووم من هنا

هنا

الحدوتة 2

في يوم كنت نازلة  راحة شغلي ووانا في الطريق فجأة تعبت من كتر المشي فقولت هقف شوية ارتاح عند  عربية كدا كانت مركونة في الشارع ... واول ما وقفت جنب العربية لاقيت اللي بتقولي ...

ازيييك يا انسة 
طبعا انا اتخضيت وفضلت ابص حواليا علشان اشوف الصوت دا جاي منين 
وبعدين قولت(الحمد لله) انتي مين ومين اللي بيتكلم 

 ولاقيت فجأة الصوت جاي من  العربية اللي انا كنت ساندة عليها...

#لينك_فيديو_الحدوتة
https://yt6.pics.ee/3wd3ys

بصيتلها وانا مصدومة. وقولتلها هو انتي ازاي عربية وبتتكلمي زينا كدا !!
 قالتلي ...
انا " عربية حسونة"_والناس مسميني كدا علشان انا بتاعة الواد حسونة..بس اقولك سر .الواد حسونة ميعرفش اني بتكلم كدا مع الناس زيي زيكم ...
 حسونة دا بقي ميعرفش عني غير اني بمشي بالوقود "يعني يحطلي الوقود بتاعي(اللي هو عبارة عن بنزين او بترول وبعد كدا يدوس علي دواسة البنزين وبقوم انا اتحرك علي طول 

وهنا سألتها وقولتلها..طب ممكن تقوليلي بقي ازاي بتتحركي من مجرد ما حسونة بيحطلك الوقود ...

 راحت بصيتلي وقالتلي " السر يا ستي في المُحرك اللي عندي..انا عندي محرك بيحول الطاقة الكيميائية اللي في الوقود دا لطاقة حركة واانا بقي بتحرك بطاقة الحركة دي 

 وبعدين سكتت العربية كدا شوية وقالتلي...
بس اقولك حاجة يا انسه ..
" اول ما حسونة بيحس بالخطر اودامه بيقوم يدوس عالفرامل  ..وتقوم العجلات بتاعتي تفضل تحتك في الارض جااامد .لحد ما بقف من قوة الاحتكاك دي ..يلا ربنا يعينا اكل العيش مُر 

ف بصيتلها وقولتها " قولي الحمد لله ."

 ردت عليا قالتلي"طبعا الحمد لله انا احسن من غيري كتير .عالاقل انا بمشي بالوقود دا فيه سيارات غيري بتمشي (بالكهربا )

وسألتها ايه السيارات اللي بتمشي بالكهربا دي أنا اول مرة اعرف ان فيه سيارة بتمشي بالكهربا..

ردت علياا وقالتلي : دي سيارات بتبقي جواها بطارية بتتشحن بالكهربا والعربية تتحرك علي طول 

يعني السواق بيشحن بطاريتها بالكهربا وتقوم تتحرك؟ طب وافرضي البطارية فضيت فجأة وهي ماشية 

قالتلي: طبعا العربية هتقف مش هتتحرك لو العربية فضيت
ولسة بقولها ماهو دا من عيوبها برضو.  

ردت. وقالتلي احنا كلنا عيوب يا ست هانم محدش فينا كامل طب مانا كمان عندي عيب و
هو ان البنزين لما بيحترق جوايا بطلع عوادم وادخنة ..ومع الوقت العوادم دي بتغيرلكو المناخ ..لكن العربية اللي بالكهربا مش بتطلع عوادم زيي طبعا لانها مش  بتستخدم البنزين اصلا

بصيتلها وقولتلها فعلا  عندك حق ..العودام بتاعتك بتغيرلنا المناخ ..

وراحت عربية حسونة .. قاطعتني في الكلام وقالتلي 
"بس بيني وبينك انا عيني علي عربية تانية خاااالص هموت وابقي زيها ..
عربية كدا غريبة ولا تقولي ماشية بالبنزين ولا ماشية بالكهربا..دي عربية بتمشي بالطاقة الشمسية..وعلشان  العربية دي تمشي زي العربيات التقليدية اللي زينا . الناس اللي هما مصممين العربية دي خلو وزنها خفيف كدا عشان تتحرك بسهولة دا انتي لو بصيتي جواها هتلاقيهم مفصينها من جوه.. دا حتي عداد السرعة  شالوه منها  وكل دا عشان وزنها يبقي خفيييييف  وتتحرك بسهولة زي العربيات التقليدية اللي زينا 

بس  اقولك علي حاجة..العربية ام طاقة شمسية دي عندها ميزتين اتنين

فسألتها ..ايه هما بقي ؟؟؟ 
ردت وقالتلي 
اولا انها  لا بتحتاج وقود ولا محتاجة تتشحن بالكهربا ولكنها بتمشي كدا بالطاقة الشمسية مع نفسها 
وثانيا انها عربية نضيفة جدا عالبيئة لانها طبعا مش بتطلع عوادم وبالتالي مش بتسبب تغير مناخ للبيئة  

بس اقولك سر ..نوع العربيات اللي بالطاقة الشمسية عنده مشكلة واحدة بس 
 وهي انه بطييييييييييئ  اوي   

يعني اسرع سيارة فيهم  اخرها تقطع ٨٨ كيلو متر في الساعة وبتنهج بعدها 

فسألتها وقولتلها ممكن  تقوليلي ايه السبب 
اللي بيخلي العربية اللي بتمشي بالطاقة الشمسية بطيئة اوي كدا ؟؟
 قالتلي ...
" السبب اللي مخليها ابطأ مني انا والعربية ال بتمشي بالكهربا..
هو ان العربيات دي بتمشي بالطاقة الشمسية  ...وطبعا الطاقة اللي جاية من الخلايا الشمسية دي بتكون  أقل بكتييير من الطاقة اللي جاية من الوقود  و الكهربا.. 
علشان كدا  العربيات اللي بتمشي ببنزين زيي كدا واللي بتمشي بكهربا ..اسرع  من  ام طاقة شمسية دي..

وفجأة لاقيت واحد جاي يقولي لو سمحتي يا انسة ممكن تتحركي بعيد شوية عن العربية بتاعتي ؟؟؟

  وقامت عربية حسونة بصيتلي كدا وقالتلي بصوت منخفض خالص..." هستناكي بكرة نكمل كلامنا علشان اللي قالك امشي من هنا دا يبقي حسونةنفسه وهياخدني علشان اوصله شغله دلوقتي ..يلا اشوفك بكرة ..
 
 الحدوتة 3 
من ٣ سنين كان شغلي عبارة عن مُحلل في الاستوديو التحليلي للعبة الكريكت ..ويوم ٢٠١٩/٢/١ كان فيه مباراة دولية..وكان لازم اكون في الاستوديو التحليلي للمباراة الساعة ١٠ بالظبط .. وجهزت نفسي  وجريت بسرعة عالاستوديو التحليلي ووصلت في معاد البث المباشر الساعة ١٠ بالظبط 
ومسكت الميكرفون وطلعت عالهوا بث مباشر... 
""السلام عليكم سيداتي وسادتي..اهلا ومرحبا بكم في قناة سبورت ..ستبدأ لعبة الكريكت بعد قليل  وهي لعبة معروفة علي مستوي العالم حيث يستخدم فيها اللاعبون مضارب خشبية ويقومون بضرب الكرة بواسطة مضرب الخشبي .ويقذفون الكرة لبعضهم البعض بإستخدام المضرب. .
"سيداتي وسادتي مُشاهِدي قناة إسبورت بدأت المباراة الان واللاعب "كاريكا" بدأ الان بتحريك مضربه الخشبي في الهواء 
الكورةجاية دلوقتي بسرعة كبيرة في اتجاه اللاعب  كاريكا..هوووب كاريكا قام  بضرب الكرة بمضربه  فارتدت الكرة  بسرررررعة شديدة في الاتجاه المعاااااكس
فيديو الحدوتة:
https://yt6.pics.ee/3m4f4y
انتهت المباراة وسيكون معكم التحليل الرياضي الان.. وبعد ما طلعنا فاصل عالهوا .. رجعنا تاني في بث مباشر  لتحليل المباراة 
_اولا عندما قام اللاعب كاريكا بتحريك المضرب في الهواء فأصبح المضرب يمتلك  "طاقة حركة "
ثانياعندما اصطدم المضرب بالكرة فنقل لها جزء من طاقة حركته ...(فتحركت الكرة وعكست اتجاهها بشوية الطاقة اللي اخدتهم من المضرب )
وجزء اخر من طاقة الحركة بتاعتة المضرب تم فقده في هيئة طاقة صوتية ..(وهو   دا كان الصوت الشديد اللي طلع لما الكورة خبطت ف المضرب )
يعني بإختصار سيداتي وسادتي مشاهدي قناة اسبورت ..ان اللاعب حينما قام بتحريك المضرب فانتقلت طاقة الحركة من يد اللاعب الي المضرب .. وعندما اصطدمت الكرة بالمضرب انتقل جزء من طاقته للكرة وجزء اخر تم فقده في هيئة طاقة صوتية.
وانتهي الاستوديو التحليلي الان ...
وفجأة.واحنا في الاستوديو لاقينا إزاز الشباك بتاع الاستوديو  وقع اتكسر وطلع صوت فظيع وبنبص .علشان نشوف فيه ايه ..
لاقينا ان فيه كورة من ارض الملعب .جات بكل قوتها خبطت في الزجاج فنتيجة الاصطدام دا 
الازاز اتحطم  وطلع صوت فظيييع 
وهنا جه محامي النادي وبدأ يحقق معانا وياخد اقوالنا من اللي حصل .وطبعا انا بدأت احلل الموقف ...
سيدي المحامي : الكرة جائت بطاقة حركة كبيرة واصطدمت بالشباك ...فجزء من طاقة الحركة انتقل للشباك  فوقعت الشباك وحطمته  وجزء اخر من طاقة الحركة  راح في هيئة طاقة صوتية وهو دا الصوت اللي طلع  عندما اصطدمت الكرة بالشباك .
والمحامي خلص التحقيق بتاعه معانا...
واحنا كلنا خرجنا من الاستوديو علشان كل واحد.يروح بيته 
.ووقفت علشان اشتري جُرنال اليوم لاني كنت بهتم جدا بقراءة الاخبار ..
ولاقيت في اول صفحة في الاخبار ان فيه قطار خبط في عربية  والعربية اتحطمت تماما...
وكان مكتوب في الجرنال كالآتي 
" نظرا لان طاقة حركة القطار اكبر بكتييير  من طاقة حركة  السيارة وبالتالي عند تصادم القطار  بالعربية  انتقل جزء من طاقة القطار  للسيارة فتحطمت السيارة تماما " 
وفتحت بسرعة النوتة اللي بسجل. فيها اي ملاحظات بكتشفها في يومي ..وكتبت
" عند اصطدام جسمين تنتقل الطاقة من الجسم الاعلي طاقة الي الجسم الاقل طاقة ..
ولذلك عند تصادم قطار بسيارة تنتقل الطاقة من القطار الاعلي طاقة الي السيارة الاقل. طاقة) 
وانهيت قراءة الجرنال ووقفت تاكسي علشان يوصلني للبيت ...
واول ما ركبت التاكسي.لاقيت السواق بيقولي البسي حزام الامان اللي جنبك   زي مانا لابسه كدا بالظبط. يا استاذة 
وسألت السواق ليه بنلبس حزام الامان دا ممكن تقولي ..؟؟
فقالي السواق ..يا أُستاذة..  العربية بتبقي ماشية بسرعة كبيرة وبالتالي بيكون طاقة حركتها كبييرة.. واحنا طالما راكبينها فجسمنا بيكون واخد نفس سرعة العربية دي  ونفس طاقة حركتها  .. 
طب افرضي لقدر الله العربية وهي ماشية  اصطدمت في حاجة ووقفت فجأة مثلا. فأكيد جسمنا هيفضل يتحرك للاماااااام لانه كان يعتبر واخد نفس سرعة العربية  ودماغنا ممكن تخبط في الدركسيووون (عجلة القيادة) ولا الازاز يا ست هانم..ونتعور
و.لكن بقي  حزام الامان دا اخترااااااع  لانه  بيحفظنا من دا كله و فايدته عظيييية
وهي انه بيحمي الجسم من الإندفاع  للامام 
عايز اقولك إن  حزام الامان دا يا ست هانم من  اهم (((وسائل  الامان))))  دااا اخل العربيات و بيحمي  آلاف من الناس في الحوادث 
وفجأة والسواق بيتكلم معايا 
العربية اصطدمت في حائط اودامنا ووقفت فجأة    ولاقيت حاجة تشبه المخدة  ومتركبة في الدركسيون بتاع السواق اتنفخت لحظة الاصطدام والغريب ان المخدة دي حافظت علي السواق من انه يخبط في الدركسيون ويتعور 
وطبعا سألت السواق: هي أي المخدة اللي اتنفخت فجأة دي لحظة التصادم 
رد السواق وقالي: دي" الوساادة الهوائية "
وفضل السواق. اكتر من ١٠دقايق يشكر ربنا انه مركب الوسادة الهوائية في عربيته
وسألت السواق :ممكن تفهمني هي ايه((( فكرة عمل )))الوسادة دي وازاي اتنفخت كدا فجأة لحظة الاصطدام وبعدين رجعت فرغت الهوا اللي اتنفخت بيه بسرعة تاني ؟
فقالي السواق
_الوسادة الهوائية دي من وسائل الامان الداخلية للسيارة 
_هي عاملة زي المخدة كدا مصنوعة من مادة خفيفة خالص اسمها((((( النايلون)))))
_اول ما  عربيتي بتصطدم في أي حاجة وهي ماشية بتقوم الوسادة دي تمتلئ بالغاااااز مش بالهوااااا .. وهتقوليلي  هي الوسادة دي بتعرف منين ان العربية هتصطدم علشان تتنفخ كدا _هقولك هي بتعرف بواسطة مستشعرات موجودة في العربية .. اول ما بتشعر ان العربية هتصطدم. في حاجة  تلاقيها بقيت عاملة زي المخدة كدا بالظبط  وبقيت منفوخة كلها غاز وملساء وناعمة جدا  وبدل ما دماغي تخبط في الدركسيون بتقوم تخبط فيها هي ..
وعلشان كدا هي ليها فايدتين 
_بتقلل من سرعة حركة الشخص اثناء التصادم
_بتقلل من الطاقة الناتجة عن التصادم 
يااااه يعني الوسادة بتقلل( سرعة وطاقة.) السواق 
اه ياست هانم بتقلل سرعة حركتي وطاقة تصادمي 
وسألت السواق:_ وعلي كدا بقي الوسادة دي بتفضل منفوخة بعد الاصطدام علي طول 
..
فقالي السواق: لا طبعا بعد. ما بينتهي التصادم ..بتنكمش الوسادة بنفس سرعة الانتفاخ. لان بيكون فيها فتحات وثقوب بتخرج منهم الغاز اللي اتنفخت بيه  فالثقوب دي بتساعد الوسادة انها  انها تنكمش .. وعلشان كمان اقدر اخرج من العربية يا ست هانم ماهي لو فضلت منفوخة مش هعرف اخرج من العربية اساسا
وكمل السواق كلامه وقالي 
بس بيني وبينك يا ست هانم ..هي الوسادة الهوائية دي بتنفع بس في الحوادث الصغيرة بس
. .
.يعني لما عربيتي تعمل حادثة بسيطة او تخبط ف حاجة صغيرة مثلا زي انها تخبط في  عربية تانية صغيرة  او تعمل حوادث بسيطة بس .انما الوسادة دي   مبتنفعش  في حوادث التصادم الكبيرة زي مثلا لو عربيتي خبطت في قطر ..اكيد  العربية كلها هتتحطم ومفيش وسائل امان هتحميني ساعتها ..
لان طبعا الاجسام الكبيرة زي القطارات بتسبب ضرر اكبر .
اتفضلي يا انسة انزلي ..احنا وصلنا عند بيت حضرتك ومعلش كان نفسي اكمل معاكي كلام بس انا مبحبش اتكلم كتير..
ووصلت بيتي وانا عارفة أهم معلومة في حياتي ... وهي. ان فيه وسائل امان  داخلية للسيارة وهما(حزام الامان_والوسادة الهوائية) وبقيت انصح أي سواق اركب معاه انه يستخدمهم لانهم بيقللو من مخاطر الحوادث
الحدوته 4 
 حدوتة(٤)علوم الصف الرابع ..مش هينفع تكون مكتوبة علشان فيها اجزاء كتير لازم توضح بالصوت والصورةوفيديو الحدوتة من هنا
https://yt6.pics.ee/3wmjev
وبالنسبة للاسئلة بتاعتها اهي
_________الاسئلة___________________
السؤال الاول اختر 
١_عند رفع كرة البندول لاعلي فإنها تختزن طاقة ........ 
(أ_حركة_ب_وضع) 
الاجابة: ب 
٢_عند رفع أي جسم لاعلي  فإنه يخزن طاقة .....(أ_حركة_ب_وضع)
الاجابة: ب
٣_حاول احمد رفع الكتاب  مسافة عن سطح الارض فإن الكتاب يخزن بداخله طاقة....
(أ_وضع_ب_حركة)
الاجابة: أ
٤_عند ترك كرة البندول بعد رفعها لاعلي فتتحول طاقة الوضع المختزنة إلي طاقة .... 
(أ_حركة_ب_وضع)
الاجابة: أ 
٥_عند سقوط كتاب من اعلي الدولاب فإن الطاقة المختزنة بداخله تتحول الي طاقة .... اثناء سقوطه (أ_حركة_ب_وضع)
الاجابة: أ
٦_في بندول نيوتن تُفقَد جزء من الطاقة في هيئة ..... 
(أ_طاقة صوتية _ب_طاقة ضوئية _ج_طاقة حرارية_ د_(أ و ج معا))
الاجابة: د 
٧_في بندول نيوتن تم اثبات ان 
(أ_الطاقة يمكن ان تفني _ب_الطاقة تظل كامنة داخل الاجسام_ج_الطاقة لا تفني ولكن تتحول من صورة الي اخري)
الاجابة : ج
٨_عند تصادم أول  كرة من البندول التي تم رفعها لاعلي بباقي الكرات ... 
(أ_تنتقل كل طاقة الحركة الي باقي الكرات _ب_ينتقل جزء من طاقة الحركة الي باقي الكرات ويتم فقد جزء اخر في صورة طاقة صوتية وجزء اخر في صورة طاقة حرارية )
الاجابة: ب 
٩_ الطاقة التي يتم فقدها في بندول نيوتن نتيجة احتكاك الكور ببعضها وبالخيط هي. طاقة ..... 
(أ_ضوئية_ب_حرارية)
الاجابة _ب 
١٠_ الطاقة التي تصدر في هيئة صوت في بندول نيوتن تسمي طاقة .... 
(أ_صوتية_ب_ حرارية)
الاجابة: أ
١١_كرة فولازية تتأرجح علي كابل  وتساعد العمال في  تحطيم الجدران تسمي كرة ... 
(أ_كرة الهدم_ب_كرة التنس_ج_كرة الصلصال)
الاجابة_ أ
١٢_ ااذا تم اسقاط كرة مصنوعة من الصلصال بسرعة كبيرة فإنها 
(سيتغير شكلها بدرجة بسيطة_ب_ سيتغير شكل الكرة بدرجة كبيرة وتصبح غير مستوية)
الاجابة: ب 
لان احنا قولنا كل ما زادت سرعة الجسم هتزيد طاقة تصادمه وبالتالي يزداد التشوه 
١٣ _يستخدم  العمال في  تحطيم الجدران كرة الهدم  و...... 
(أ_المطرقة_ب_الشاكوش)
الاجابة: أ
١٤_ كلما زادت سرعة وكتلة  الاجسام المتصادمه...... الطاقة الناتجة عن التصاد
(أ_تزداد_ب_تقل)
الاجابة: أ
١٥_كلما زادت...... للاجسام المتصادمة زادت الطاقة الناتجة عن التصادم وزاد تشوه الاجسام المتصادمة
(أ_كتلة_ب_سرعة_ج_كتلة وسرعة)
الاجابة: ج
١٦_كلما زادت كتلة وسرعة الاجسام المتصادكة
اصبح التشوه الناتج عن التصادم 
(أ_اكبر_ب_أقل)
الاجابة: أكبر
١٧_تزداد سرعة السيارة عالمنحدر كلما ..... زاوية ميل المنحدر(أ_زادت _ب_قلت)
الاجابة_ أ
١٨_كلما زادت زاوية ميل المنحدر التي تتحرك عليه السيارة ...... سرعة السيارة
(أ_زادت_ب_قلت)
الاجابة:أ
١٩_كلما زادت سرعة السيارات  .......قوة التصادم والمخاطر الناتجة
(أ_تزداد_ب_تقل) 
الاجابة: أ
٢٠_التصادمات التي تحدث عالمنحدر ذات زاويةميل كبيرة تكون مخاطرها .....
(أ_اكبر_ب_أقل)
الاجابة: أ 
شرح الاجابة: لان المنحدر لما تكون زاوية ميله كبيرة بتكون سرعة السيارات عليه كبيرة وبالتالي لو حصل تصادم قوته هتبقي شديدة بسبب السرعة والمخاطر كبيرة
٢١_عندما تصطدم كرة الهدم في الحائط فإن الحائط ينهدم بسبب ان .....
(أ_الحائط ضعيف_ب_كتلة الكرة كبيرة وبالتالي طاقة تصادمها كبيرة_ج_حجم الكرة كبير)
الاجابة: ب
٢٢_اذا سقطت كرتين مصنوعتين من الصلصال احدهما حمراء والاخرء زرقاء ولكن كان تشوه الكرة الحمراء اكبر بكثير..تتوقع ان 
(أ_سرعة الكرة الحمراء كان اكبر _ب_الكرة الحمراء سقطت من مسافة اطول _ج_كليهما)
الاجابة: ج
____________________________________
ضع علامة صح او خطأ 
١_تتحرك السيارات عالاسطح المستوية بسرعة أكبر من الاسطح المنحدرة ( ...)
الاجابة: خطأ _ لان السيارة بتتحرك بسرعة اكبر عالاسطح المنحدرة وكل ما زادت زاوية انحدار السطح  زادت سرعة السيارة 
٢_عند زيادة القوة التي يتم قذف كرة الصلصال بها تزداد سرعة الكرة ويقل معدل تشوه الكرة(....)
الاجابة:  خطأ _يزداد معدل تشوه الكرة.لان طبعا قوة التصادم هتبقي كبيرة والتشوه لكرة الصلصال هيبقي كبير 
٣_في لعبة كرات البلي تنتقل طاقة الحركة من الذراع ثم الي الكرة ثم الي الكرة التي تليها ويتم فقد جزء من الطاقة في صورة طاقة صوتية (....)
الاجابة: صح
شرح الاجابة_طاقة صوتية لان البلي لما بيخبط في بعضه بيطلع صوت 
٤_كلما زاد ارتفاع كرة الصلصال قبل قذفها علي دبوس رأسه لاعلي زاد عُمق الثقب الذي يحدث في كرة الصلصال(....)
الاجابة: صح 
٥_الطاقة لا تفني ولكنها تنتقل من صورة لاخري 
الاجابة: خطأ _تتحول من صورة لاخري
لا تنتقل من صورة لاخري
٦_كلما زادت كتلة الاجسام وسرعتها  زادت طاقة تصادمها وزادت المخاطر الناتجة عنها (....)
الاجابة : صح 
٧_كلما زادت طاقة حركة  كرات البلي المتصادمة زادت الطاقة الصوتية الناتجة(...)

 الحدوته 5
 
 