المهام الادائية مهارات مهنية الترم التانى لصف الرابع الابتدائي
بخصوص (المهام الأدائية)
ياجماعة محدش قال ان درجاتها مش مهم
ياريت تركزوا فى كلامى
انا كلامى واضح
المهام مجرد ورقة والوزير بنفسه اللى قال فى التيرم الأول
الطالب يكتب اسمه واى اجابة هتتحسب له صح وهياخد ال35 درجة كاملة
اللى بتكلم فيه هو اهتمام الناس الاووووووفر بالموضوع
الناس قاعدة تذاكر لعيالها ومطلعين عينهم وسايبين المذاكرة اللى بجد
التركيز ع المهام مع بعض الناس بقى اوووووووفر بصراحة
وفى عيال شايلين هم المهام وشايفين ان زيها زى اخر السنة
المفروض كل حاجة تاخد حقها
والطالب يفرق بين امتحان اخر السنة وبين امتحان بسيط مجرد ورقة هيكتب عليها اسمه وهيجاوب اجابة بسيطة مش محتاجة منه مجهود ذهنى ونفسى وضغط
بلاش الضغط المستمر ع الولاد
هيخلصوا كل طاقتهم ولما ييجى امتحان آخر السنة العيال هنلاقيهم متنحين ومش قادرين يستوعبوا
يارب كلامى يكون اتفهم
وخلينا دلوقتى فى الجدول اللى نازل الإسبوع ده ربنا يعديه على خير
وكله كوم ويوم امتحان الPlus ده كوم تانى خالص
احنا قولنا وماله ماشى بعد الإنتهاء من الإمتحان
هيوزعوا ال3 مهام ع الأولاد ع التوالى كل ورقة تاخد لها كام دقيقة وخلصنا
والعيال تروح
لكن...
انا شايفة مدارس منزلة جدول لايصدقه عقل وطبعا ده بناءا على تعليمات السيد الوزير
اللى افتكرنا امبارح وهو قاعد يتسحر ولقى الناس قالبة الدنيا ع الفيس وبيسألوا ع المهام
قال والله ماانا مزعلهم حاضر
وساب سحوره ونزل القرار وبعدها كمل سحوره عادى جداااا
اللى بيحصنا ده غير طبيعى ولا يعقله بشر
علشان كده بأكد كفاية ضغط ع الولاد
العيال خلاص جابوا آخرهم وفهموهم ان المهام مجرد ورقة هيكتبوا اساميهم عليها وهيجاوبوا اجابة بسيطة
محدش قال ميحضروش
ومحدش قال يسيبوا الورقة فاضية
اظن كده الكلام واضح
اما اللى مصرين يضغطوا على ولادهم وشايفين ان فعلا المهام مهمة جدااااا وقاعدين يدربوا ولادهم ع النماذج اللى مغرقة الفيس
 ياجماعة محدش قال ان درجاتها مش مهم ياريت تركزوا فى…){kind=link}
تعليقات
إرسال تعليق