كل المعلومات اللي ممكن تهمك بخصوص البيض
مبدأيا من غير أي صعوبة خالص حضرتك بعد ما تشتري طبق البيض ، ممكن تجيب إناء فيه مياه، وحضرتك تختبر كام بيضة عن طريق إنك تغطسها في قلب الإناء وتشوفها هتغطس ولا هتطفو على وش المياه
عندك أربع احتمالات :
إن البيضة تغطس في القاع بشكل عرضي ، ودا معناه إن البيضة لسه فريش ، عمرها لا يتخطى اسبوع.إن البيضة تغطس في القاع ولكن بشكل رأسي ، ودا معناه أن البيضة بقالها أسبوع وداخلة في الأسبوع التاني. إن البيضة تطفو على سطح الماء بشكل رأسي ، ودا معناه أن البيضة في المرحلة النهائية من فترة صلاحيتها ، ويجب استعمالها خلال يوم أو يومين بالكتيرإن البيضة تطفو بشكل عرضي على سطح الماء ، فدا دليل على أنها فاسدةدا اسمه اختبار الطفو ودا أفضل الاختبارات اللي حضرتك ممكن تجربها عشان تختبر بيها صلاحية البيض
لازم حضرتك وأنت بتستعمل البيض قبل القلي أو الطبخ بالأخص أنك تكسر كل بيضة لوحدها في طبق منفصل وبعدين تخلطها بالباقيبلاش نكسر البيض كله مرة واحدة على بعضه
ليه ؟!
منعا لاختلاط البيض الفاسد مع الطازه
ندخل بقى على نقطة تانية
البيض لما حضرتك تشتريه
ع قد ما تقدر متخليش فترة تخزينه عندك في التلاجة تتخطي أسبوعين في الصيف و3 أسابيع في الشتاء
ومتحطش البيض في باب التلاجة
وخلي البيض جوه على الرف
عشان الباب دا من كتر فتحه وقفله مبيحافظش على درجة حرارة البيض وبالتالي بيفسد أسرع
البيض مبيتغسلش إلا قبل استعماله مباشرة
عشان البيض عليه طبقة بتحميه من البكتريا على قشرته من بره
وعشان البيض فيه مسام بتسمح بدخول أي حاجة جواه
بلاش نغسل البيض قبل ما نحطه في التلاجة
تعليقات
إرسال تعليق