كلمات مأثورة قبل اي امتحان .....كله كدب
١_ مراجعة لن يخرج عنها الامتحان ..لا والله اخي الكريم بيخرج عادي
٢- عاملين بوكليت فيه كل حاجة ... والله لو كنت عارف ال بييجي كنت ركزت عليه من اول السنه
٣_ هتقفل الدرجة .... كنت انت كمدرس قفلتها بدل ماتقول هنعمل ال علينا وربنا يوفقنا جميعا بتضغط عليه أو باالاحري بتضحك عليه وتقوله هتقفل والدرجه النهائية في جيبك ..استخفاف
٤_ عاملين معسكر ..... تحس انك داخل نهائي كاس عالم او اليوروبا ليج معسكر ليه وايه وبايه هنا ال ١٥٠ صفحه دول الامتحان فيهم طب ماهو ده المنهج اصلا
٥- هنديك القطع والترجمه المتوقعة .... هبدة السنين ... طب قول نتعود نحل قطع وترجمه ومهارات لغة طب حتي قول تدريب وبعدين تدريب ايه قبل الامتحان بيومين المفروض المهارات تتوازي مع المنهج لأنها لغة
٦-الطالب مستأنس الفتره دي ومخدر عاوز رفع معنويات بس مش افورة والأبطال والاسود وانت طول السنه مقضيها هزار وضحك وكافتريات وقاعات وشيكولاتات وميداليات وشهادات
٧_ بصراحة عاجبني حاجه أن وانت قاعد تسمع الحماسة في فيديوهات المراجعة تحس أنه سيدخل التاريخ ويكسر حاجز الصمت ويرد المطلقة ويرجع الغائب اووومال لما بيحصل الامتحان وينزل اوعي تقفل تليفونك وتقول بنام خليك جرئ وحل ومستناش نموذج اجابه وبعدين تتفلسف
٨_ صارح الطالب مش هياخد من رزقك حاجه احنا كلنا عارفين أن الطلبه معظمهم مش بتذاكر الا من رحم ربي شجعه يذاكر ومتضحكش عليه ده ذنبه في رقبتك
٨_ بلاش الإخوة المدرسين يعلقوا علي مدرسين ويمجدوا فيهم وهما عارفين انهم ابعد عن المهنية
اللَّهُمَّ صَلِّ عَلَى سَيِّدِنَا مُحَمَّدٍ الْرَحْمَةٍ الْمُهْدَاة وَعَلَى آلِهِ وَصَحْبِهِ وَسَلِّمْ فِي كُلِّ لَمْحَةٍ وَنَفَسٍ عَدَدَ مَا وَسِعَهُ عِلْمُ اللَّـهِ
اللَّهُمَّ طَهِّرْ قـَلْبِي مِنَ النِّفَاقِ وَعَمَلِي مِنَ الرِّيَاءِ وَلِسَانِي مِنَ الْكَذِبِ وَعَيْنِي مِنَ الْخِيَانَةِ
إِنَّكَ تَعْلَمُ خَائِنَةَ الْأعْيُنِ وَمَا تُخْفِي الصُّدُورُ
ربنا معاكم كلكم إن شاء الله وإنتوا مقصرتوش ولا حاجة خالص نظام التعليم هو اللى غلط وإن شاء الله ربنا هيجبر بخاطركم كلكم ويفرحكم اللهم آمين يارب العالمين
تعليقات
إرسال تعليق