اجابات امتحان اللغة العربية للثانوية العامة 2025

اللهم اجبر بخاطرهم وفرح قلوبهم وقلوبنا وحقق مرادهم واجعل النجاح والتفوق حليفهم ووفقهم في كل أمورهم .

= لما تيجي تجاوب على الأسئلة المقالية.. التزم بعدد السطور اللي تكتب فيها إجابة كل سؤال.. لو جايب لك 3 سطور تكتب فيهم الإجابة يبقى تلتزم بالـ3 سطور.. لو جايب لك أربع سطور تلتزم بالأربع سطور.. متحاولش تجوّد وتزود من عندك وتقول لما أكتب أكتر هاخد درجة أعلى.. ده مش هيحصل وورقتك هيبقى شكلها مش منظم.

= درجة السؤال المقالي بتكون على خطوات إجابتك.. السؤال عليه مثلا 3 درجات.. الـ 3 درجات بيتقسموا على كل خطوة الإجابة.. وكل خطوة يا عليها نص يا عليها درجة وعلى هذا الأساس هتجمع الـ3 درجات بتوع السؤال.

= يعني هتلاقي سؤال عليه درجتين وبيقولك اقترح أربع حلول لمشكلة كذا.. لو كتبت حل واحد صح من الأربع حلول هتاخد نص درجة لو كتبت حلين هتاخد درجة وهكذا.

= الامتحان هيكون فيه 4 أسئلة مقالية.. 3 أسئلة منهم بدرجتين وسؤال واحد بأربع درجات.

= الامتحان هيكون فيه 32 سؤال اختيار من متعدد بدرجة واحدة و19 سؤال بدرجتين.

= متجاوبش أي حاجة في ورقة الأسئلة علشان ممكن متلحقش تنقل الإجابة في ورقة الإجابة.

= ركّز كويس جدا في تظليل الدوائر بورقة الإجابة.. لأنك - بعد الشر عليك - لو ظللت إجابة السؤال الأول مكان إجابة السؤال التاني.. إجاباتك كلها هتترحل.. وهتلاقي نفسك مجاوب السؤال التاني مكان التالت والتالت مكان الرابع وهكذا لكل الأسئلة.. فأرجوك ركّز جدا.. أنا مش بخوّفك أنا عايز تبقى مركز وصاحي واستخدم المسطرة في إنك تمشي بيها على مكان التظليل بحيث تبقى عارف انت ظللت إيه ومظللتش إيه.

= هفكرك تاني وعاشر.. مش لازم تاخد نفس رقم نموذج الأسئلة في كل امتحان.. لو كنت أخدت نموذج رقم (أ) في المواد غير المضافة للمجموع عادي جدا تاخد نموذج رقم (ب) أو (ج) أو (د) في امتحان اللغة العربية.. ومتسمعش أي حد يقولك عكس كدة.