حل واجابة امتحان الجبر والفراغية 2024

رسالة لحضرتك

المجموع اللي ابنك يجيبه السنادي، احمد ربنا عليه، واشكر ابنك عليه.. متبصش لابن جارك ولا ابنك صديقك جاب كام.. لا انت عارف غيره جاب المجموع ده ازاي، ولا بأنهي طريقة.. ابنك اللي لا كان معاه سماعة ولا تليفون ولا له في الكلام ده ولا عرف يعمل زي غيره، ورافض يكون زي غيره.. لازم يكون في نظرك بطل مهما كانت درجاته.. ابنك اجتهد في ظروف محدش يتحملها وكافح وسط ضغوط محدش غيره يحس بيها وعافر علشان يحصد تعبه في أجواء لا انت ولا غيرك يقدر عليها.. صحيح انت تعبت ودفعت وسهرت وقطعت من قوتك علشان توفر له كل حاجة.. لكنه شاف حاجات وسمع حاجات وعاش حاجات كانت كفيلة تهد أي بني آدم وتقضي على معنوياته وتجيب نفسيته الأرض.. ورغ كل ده بيرجع بعد كل امتحان يكمل ويعافر ويتحدى كل ده علشان يشوف نفسه في نظرك بطل ويستحق.. ربنا خلقنا مختلفين في المستويات الفكرية والذهنية.. خلق ابنك متوسط وابن جارك أو قريب بمستوى أعلى.. ربنا له حكمة إنه يخلي زميل ابنك فاكر نفسه وحش وبينجح في الغش ويعدي ويخرج يتريق ويقول أنا قفلت الامتحان بأقل جهد.. لكنه هيقع.. هيجيله وقت ويقع.. في الكلية هيقع في الوظيفة هيقع.. ابنك بس اللي هيكمل.. ولينا في طلاب الثانوية اللي دخلوا كليات الطب، وسقطوا بفضيحة.. ألف عبرة.. أنا لا بدافع عن منظومة ولا بهوّن عليك ولا بكتب لك مبررات.