خلاصة الكلام فى الكيمياء
اولا التفتيش هيكون مشدد جدا قبل دخول المدرسة ، يمنع الدخول بأي جهاز الكتروني أي شي في اتصال هيتم رصده سوي كان موبايل أو ساعه سمارت او سماعه نانو كل ده هيتكشف و هيكون الفحص دقيق جدا هتدخل المدرسة الساعه 08:30 عقبال ما يخلص التفتيش وتطلع اللجنة، ليك الحق في المطالبة بورقة الأسئلة وكراسة البابل شيت الساعه 08:50 أي تأخير تقف وتتكلم وتطالب بحقق؛ عشان هما مش هيستنوا عليك ثانيه وحده من السنة الجاية 2025 هتكون اللغة التانية غير مضافة للمجموع ^ مادة نجاح ورسوب ^ وكمان هتكون مقررة علي اولي وتانية اعدادي وهتكون مادة نجاح ورسوب ايضا حاول قدر الإمكان تبعد عن أي توتر داخل اللجنة نظم وقتك خلي معاك "ستوب وتش" لكل سوال مدته اللي متعرفوش حط عليه علامه وانزل للي بعده بص احنا مش عارفين الخير فين طبعا ولو رأي الإنسان المستقبل لاختار ما كتبه الله ، أيا كانت الكلية اللي هتدخلها ف دي هتكون اختيار ربنا اللي لازم تقبله وده رزقك وقدرك وتاكد تماما ان ده فيه مصلحتك ومصلحت اهلك لو هقول حاجه اخيره ليكم بحكم اننا عشرة طويلة هقولكم ان الدنيا والوقت وكل اللي بنعيشه مجرد خدعه ، بذمتك انته حاسيت بكل اللي فات 18 أو 17 سنة ، اكاد اجزم لحضرتك انك ممكن تكون نسيت اصلا أيام الابتدائية ، خلاصة كلامي انه طالما كده كده الايام هتعدي ليه تخليها تعدي عليك خسران خلي بالك الخسارة مش انك تجيب مجموع وحش لا الخسارة انك تستمر ع معصية الخسارة انك تزعل اهلك الخسارة انك تكون مبتصليش الخسارة اشكالها مختلفة كل يوم خدعه بيعدي وبتتحط قدام اختبار وممكن تكون ارادة ضعيفة حاول تسيطر علي ملزاتك وشهواتك أذكر الله حب اهلك واخواتك والناااس اللي حوليك يمكن الزمن ميرجعش ونعرف نصلح ذكري سيئة ف ليه نسيب لحد ذكري سيئة اصلا انا عارف ومتاكد انك تعبت 12 سنة بتزرع معلومات وبتحشي دماغك بحفظ كلفك سهر وتعب نفسي وجسدي تاكد يوم حصادك المحصول هيكون وافر وهتفرح وتفرحنا يا بطل و متنساش ونبي تدعيلنا . متنسهاش ، لو زعلان مني في اي حاجه أو انا قصرت معك في حاجه بالله عليك تسامحني والي لقاء قريب .
تعليقات
إرسال تعليق