مكانتش شوية كوارع دول اللى هنقطع بعضنا عشانهم 
بصو 
انا كلامى واضح و صريح من البدايه عشان اللغط اللى حاصل بس
بس اقرى الكلام للاخر
اولا البوست الاصلى اتبعتلى من كذا حد عشان بس اصحح المفاهيم المغلوطه و الاشاعات اللى بتدور و ننور الناس
انا قولت الكوارع اكله مغذيه و مفيده للجسم كله
لكن الكوارع مش بتعيد بناء الغضاريف
و دا كان محور كلامى
و يا سيدى مانكرناش فوايد الكوارع
و الله ما انكرته
انا بس يمكن الجلاله خدتنى و نسيت الكولاجين و انكرت اهميته 
اللى هو بالمناسبه موجود فى اكلات تانيه كتير انت ممكن تكون بتاكلها و انت مش واخد بالك
يعنى الكولاجين مش حكر على الكوارع و بس
هى بس الكوارع نالت شهرتها لانها اكله بتنزل فى القلب 
و توارثتها الاجيال 
مش فى الركب يعنى زى ما هو شائع
و بتدفى كدا و جميله
و هتتخنك
و هتلظلظك
و ترفعلك الدهون و تسد شرايينك
لحد ما تجبلك جلطه و تموت 
بس هو مين دا اللى بياكل كوارع كل يوم يعنى؟! 
دى مره كدا كل اسبوع
مش كل اسبوع؟! طب كل شهر؟!!
طب كل شهر؟!! ولا شهر حتى؟؟! 
يا سيدى مره كل فين و فين
بس اللى بيدايقنى والله اللى بيقلب الحقائق و يقولك كلام انا مقولتهوش
بس هكرر تانى
كلامى كله ان الكوارع مبتبنيش الغضاريف
الغضاريف مبتتبنيش من اول و جديد
يقوم بقا نسيب الدنيا كلها و نتكلم فى حته تانيه خالص
و نعمل بحث و نكتب " ما هى فوائد الكوارع؟!"
و الكلام اللى هيطلع هناخده زى ما هو وونكتبه على الفيس
و نعدد فى فوائد الكوارع و جمال الكوارع
و نستدل على كلامنا بابحاث محدش قراها ولا يعرف اصلها و فصلها
ولا هو اصلا قراها
(ولا انا قرتها على فكره )
)بس اللى هو اكتب اكتب محدش هيراجع وراك
على كام مصطلح على كام بحث من بتوع الاجانب دول
عشان يبقا كلام تقيل كدا و الناس تتخض و تقولك الله الدكتور دا فاهم و بيتكلم من خلفيه علميه
و كل دا عشان ميجاوبش على السؤال الاساسى
هى الغضاريف بتتكون من اول و جديد؟؟!! برضو مفيش اجابه
طب السؤال الاهم
شوفت حد كل كوارع و قام يجرى و كأنه ابن العشرين؟؟!!
لااااا.... اذا كان كدا بقا نحيب جدو الى عنده ٨٠ سنه و نشتغل عليه شهر كوارع
يرجع شباب و يخلفلك اخ نونو بقا يورث معاك
بصو... اعتبروها بتعمل ليونه 
عشان منزعلش من بعض بس
يا جدعاااان
ان كان المتكلم مجنوووون فالمستمع عاقل
بلاش شغل لو ايديك وجعاك كل ايدين الجاموسه و تخف... لو رجليك وجعاك كل رجلها
لا و كمان نفضى عليه امبولة فيتامين د
اللى هو يععع يعنى 
ما تاخد الامبوله لوحدها و تستمتع بالكوارع لوحدها من غير خلط و عك و قرف و نجيب اللى فبطننا يعنى
هتبقا مجدى يعقوب يعنى لو عملت العك دا ؟!!
؟!!بالنسبه للى سأل على فيتامين د... اه هو ممكن يتشرب عادى زى ما مكتوب على العلبه اللى فالصوره 
يا اما لوحده كدا علطول يا اما على كباية لبن
يا اما لوحده كدا علطول يا اما على كباية لبن و متبقاش تنسىرد على السؤال الاساسى و متغلوش بأى كلام
فاقسك انا
الكوارع بتنزل فالقلب مش بتنزل فالركب
مش بتنزل فالركب بليزززز... جيف مى واحد كوارع
وعو الناس يا جماعه عشان محدش يتاجر فيهم
كان معكم من قلب الصيدليه و علب الحقن و اللبوسات
تعليقات
إرسال تعليق